اوشك منتصف العام الدراسي على الأنتهاء فنحن نعيش ايام الأختبارات المليئة بالقلق بالنسبة للأبناء والآباء
اتمنى من كل قلبي التوفيق لأبني ولأخوان زوجي وابناء حماتي واخي واختي وجميع ابناء خالاتي وابناء خوالي وابناء عمومتي
وان يكتب لهم النجاح وكل واحد في ثالث ثانوي يحصل على نسبة تدخله الجامعه ....
اليوم حبيت اسوي طبق سهل جدا ومقاديره سهله .... طبعا له انواع ووصفات ومقادير مختلفه
كل فتره بحط لكم عجينه بمقادير مختلفه
الكروسان من افضل الأطباق عند ابني
اليوم سويتها خصيصا له عشان يذاكر ويركز
اخليكم مع المقادير
3 ملاعق سكر
ملعقة كبيرة خميره
بيالة زيت
ثلاثة ارباع الكوب ماء
2 كوب طحين
الطريقه :
نضع السكر والزيت مع بعض
نضيف الماء وملعقة الخميره
نضيف الطحين بالتدريج
تعجن باليد لفتره لتعطي افضل النتائج
تترك لمدة ساعه
ثم تعجن مره اخرى وانا هنا عجنتها
هنا صنعت منها اشكال على حسب الرغبه
تدهن بالبيض وتزين بالسمسم والحبه السوداء وتوضع في الفرن 
وهذا الشكل النهائي
بالهناء والعافيه
2 التعليقات:
لو كنت جنب ابنك كان قلت :
اليوم يومك يا ...
و هو يعرف اللحن لها ..
:)
الكروسان محببه جدا .. و و الله لما شفت الصور حسيت اني اشم ريحتها ..
:)
ليش لا ؟!
يمكن بيت الجيران مسوينها ..
عوافي .
أميرة حتى أنا شميت ريحتها
عاد أنا وحدة فاشلة بالعجاين خخخ
وأحب الكروسان وكنت قبل أحسه يستوي حليو معاي
الحين صار دمـــار ^^
بس مقادير العجينة هاذي حلوة وبسيطة
أنا الي متعودة أسويها تجيب الشيب
مقاديرها شكثر وتستوي كمية كبيرة
ينكسر ظهرك وأنتِ تعجنين
>> ترا أنا مثل أميرة
صرت أشتهي أطبخ من أطلطل على مدونتك
لحن الحياة
تسلم هاليدين
وأن شاء الله بنطبق درس الكروسان تبعك
ونخبرك بالنتائج
وبالتوفيق لعيالك ولكل الطلبة يارب
إرسال تعليق